DARPA развива безпилотно летало кое ќе ги комбинира сите предности на хеликоптер, со најдобрите особини на авиони со фиксни крилја.
Програмата е наречена VTOL X-Plane и моментално се навлегува во втората фаза од дизајнот, со помош на новите технолошки и инженерски достигнувања на тимот од Aurora Flight Sciences.
Ова летало ќе ги има следниве технички карактеристики:
- способност да постигнува импресивни брзини – од 300 до 400 knots (555 до 740км/ч)
- Подигање на ефикасноста на лебдење ( Aircraft Hover Efficiency) од 60% до 75%
- Можност за носење товар тежок колку 40% од сопствената тежина (која би требало да е 4,5 – 5,5 тони.
Во поглед на дизајнот, ќе се состои од две големи задни крилја и две помали, монтирани до носот на авионот. Turboshaft моторот (истиот кој го користи V-22 Osprey леталото на Bell-Boeing) ќе го движи авионот со 3 мегавати (4000 коњски сили) електрична енергија, еквивалентна на една просечна комерцијална турбина на ветер, со помош на 24-те вентилаторски цевки ( по 9 во секое од големите крилја и по 3 во малите) кои ќе можат да ротираат (заедно со крилјата) во зависност од тоа во кој правец ќе треба авионот да се движи.
Сите овие карактеристики ќе му овозможат на VTOL X-Plane да лета со огромни брзини и да поминува големи далечини, да лебди кога тоа ќе биде потребно, и да извршува голем број на мисии со различна комплексност дури и на локации каде што нема претходно спремено реон каде што би слетувал.
Првите тест летови се очекуваат да започнат во 2018-та.