Истражувачите од Iowa State University креирале материјал кој може да апсорбира радарски бранови, отварајќи го патот за подобра стелт технологија, па дури и за изработка на материјали кои апсорбираат електромагнетски бранови (т.е светлина).
Се работи за материјал направен од технологија вметната во флексибилни силиконски листови, каде што секој од прстените е исполнет со течниот метал галистан кој ја покрива целата површина, притоа функционирајќи како електрична намотка, додека празнините помеѓу нив дејствуваат како кондензатори.
Тоа значи дека кога радарски бран со специфична фреквенција ќе ја допре површината покриена со овој материјал, тој ќе биде апсорбиран во него.
Меѓутоа, флексибилноста на материјалот му дозволува да биде обликуван и формиран така што би апсорбирал разни типови на сигнали. Според истражувачкиот тим, истиот лист од материјалот може ефективно да апсорбира 75% од радарските сигнали со фреквенција од 8 и 10 гигахерци, но исто така ќе може да се користи и во ситуации кога е потребно одредено подесување на електромагнетна фреквенција, што во превод би значело прекршување на светлината на начин кој што објектот обвиткан во овој материјал би станал невидлив за човечкото око.
На овој начин, тој би се употребувал за прекривање на стелт летала кои би прекршувале електромагнетни бранови со високи фреквенции, инфрацрвени бранови, па дури и видливата светлина.