По своето претставување на овогодинешниот CES 2016 саем, компанијата Simpiz на Indiegogo порталот стартуваше crowdfunding кампања за својот полнач/ powerbank кој го нарече iTron, за кој тврдат дека претставува најбрз полнач на мобилни уреди на светот.
Системот се состои од мобилен полнач, хуба за полнење и док, а се полни за само 18 минути.
Дури и во текот на полнењето неговите USB портови можете да ги споите до три уреди кои сакате да ги полните.
Што се однесува до брзото полнење на вашите гаџети, iTron ќе ја наполни батеријата на iPhone 5 до врв за само 5 минути, iPhone 6S и Samsung Galaxy S6 за 6 минути, iPad mini 4 (5.500 mAh) за 11 минути, а iPad Air (6000 mAh) за 15 минути.
Од Simpiz наведуваат дека тоа го овозможуваат батериските ќелии кои се многу слични на оние во Tesla автомобилите, и се изработени во DUBI 1.0 технологија која го чува и iTron но и паметните телефони во текот на полнењето од прегревање и слични проблеми.
Исто така наведуваат дека DUBI технологијата во iTron е само почеток, бидејќи благодарение на неа наскоро ќе се овозможи полнење на паметен часовник за една минута, телефон за 3, а електричен автомобил за 10 минути.
Ако iTron го нарачете преку Indiegogo ќе го добиете по цена од 60 долари, а испораката ширум светот треба да започне наскоро.