Агенцијата за воено разузнавање на Данска (DDIS), објави дека се основа „академија за хакери“ каде пријавените ќе бидат обучувани од страна на експерти по информатичка технологија, а на најдобрите кои ќе дипломираат ќе им биде понудено вработување.
Во соопштението се наведува дека на академијата ќе биде запишана мала група на оние кои веќе се најдобри во тоа што го прават.
DDIS, со средиште во Копенхаген, појаснува дека тие на оваа академија нема да учат како да хакираат, туку ќе се влијае на нивниот менталитет и вештини кои агенцијата би можела да ги употреби.
Агенцијата Асошиејтет Прес пренесе дека оваа академија ќе стартува во август и дека школувањето ќе трае четири ипол години.