Израелската компанија Deep Optics развила леќа со слој од течен кристал со чија помош самата, во реално време, го прилагодува фокусот во зависност од тоа каде гледа корисникот.
Тоа функционира така што течниот кристал го прилагодува индексот на рефракција (кој го мери капацитетот за превиткување на светлината) на леќата, и го менува фокусот на очилата во зависност од далечината на објектот во чиј правец е насочен погледот.
Сензорите вградени во очилата го следат тој правец мерејќи ја дистанцата помеѓу центрите на двете зеници и според мерењата тие се способни да ја измерат длабочината на објектот на кој што корисникот се фокусира, за потоа таа информација да ја испратат во процесорот кој одлучува какви се прилагодувања треба да се направат. На крај, процесорот испраќа електричен сигнал кон течниот кристал, со чија помош се прави потребниот фокус.
Досега оваа технологија се употребувала претежно во леќите од камерите во смартфоните, но во Deep Optics се надеваат дека со неа ќе ги револуционизираат очилата.
Ваквиот тип на леќи исто така может да го реши проблемот со дезориентирање при користење на уреди за виртуелна реалност, бидејќи ќе им овозможи на луѓето да набљудуваат 3D слики на релативно рамен екран без тоа да им предизвикува вртоглавици, гадење и сл.
Пред да започне со комерцијален развој на оваа технологија, компанијата сака прво да ги надмине сите технички предизвици и да ја усоврши леќата најмногу што може. Моментално се работи на намалување на сите електронски компоненти со цел да соберат во оквирот на сите модели на обични очила. Очекувањата се дека Omnifocals ќе бидат спремни да го освојуваат светскиот пазар за околу две години.