Lockheed Martin велат дека направиле големи технолошки откритија кон развивање на летало способно да лета со mach 6 брзина ( 6 пати поголема од брзината на звукот)
Додека Airbus работи на патнички авион кој што ќе може да патува со брзина од Mach 4.5, на прес конференција извршниот директор на Lockheed Martin изјави дека компанијата работи на производство на контролирано аеродинамично летало способно да лета со субсонични, трансонични, суперсонични и хиперсонични брзини, до mach 6. Нивната намера е тоа да биде со големина на сегашниот F-22 и да чини помалку од 1 билион долари за да се развие, направи и изврши демонстративен лет.
Голема препрека во развивањето на хиперсонично летало е да се направи стабилен scramjet мотор (тип на мотор го напојува леталото со кислородот од надворешниот воздух), за што извршниот директор изјавил дека компанијата го постигнала, но не објаснил ништо во детали.
Тие исто така тврдат дека имаат развиено нови системи за термална заштита, аеродинамични форми, комуникација со долг опсег и подобрувања на навигациската контрола. Lockheed покрај воената употреба на ваквите летала, размислува и за нивна цивилна употреба. Според зборовите на директорот, технологијата треба да овозможи хиперсонични патнички летови и уште полесен пристап кон вселенски летови.
Се очекува првите летала од овој тип да бидат спремни во 2030-тите.