Италијанската компанија OLO 3D, конечно го претставува својот интересен гаџет кој го користи паметниот телефон како дел од самата „машина“ која изработува разни објекти.
Компанијата преку системот на crowdfunding бараше 80.000 долари за стартување на производството, а 29 дена до истекот на кампањата веќе собра повеќе од 267.000, што значи дека многумина во овој необичен 3Д печатач видоа нешто паметно, практично и корисно, за да OLO се најде на пазарот оваа година по цена од 99 долари.
Системот функционира така што во подножјето на печатачот се вметнува паметен Android или iOS телефон со максимана големина од 5,8 инчи, на него има провиден стаклен филтер, а одозгора ставате суровини со разни бои, од кои потоа се изработува објектот според сликата во огледалото од апликација на екранот на телефонот.
Во секој случај ова е многу интересен гаџет кој за малку пари ви овозможува изработка на разни цврсти, но и меки и флексибилни објекти во кои целиот мозок на операцијата пристигнува од страна на вашиот телефон, што на големо влијае на поволната цена.