Доколку поседувате некој паметен рачен часовник на Android Wear платформата можеби ќе ви биде интересно што од сега на него можете да читате, примате и испраќате е-мејлови преку надградената Outlook апликација за Google-овиот OS.
Новиот Outlook со надградба за Android Wear часовниците е веќе достапен во Google Play продавниците, па можете веднаш да започнете со испраќање на мејловите.
Апликацијата ни овозможува од часовникот да добиваме нотификации од Outlook, да читаме нови мејлови и да одговараме со веќе наместени пораки или со диктирање на пораката.
Во секој случај веруваме дека ова може да биде корисна функција во некои случаи, иако не сме сигурни колку ќе се користи особено ако разменувате мејлови со луѓе кои сакаат да пишуваат долги мејлови.