USB 3.0 Promoter Group објави изработка на нов стандард под називот USB Type-C Authentication, чија основна улога е да ги спречи лошите адаптери и кабли да ви ги спржат уредите, но исто така би можел да биде корисен во борба против USB малверот.
Новиот стандард е развиен по повеќе инциденти кои се случиле во текот на минатата година во кои корисниците известиле дека ги уништиле своите уреди со неисправни USB кабли.
Ова може да изгледа чудно бидејќи USB каблите не би смееле да ги пржат уредите но USB-C каблите се поинакви бидејќи тие во исто време можат да пренесуваат податоци и енергија.
Откако еден истражувач на Google добар дел од своето време го посветил во тестирање на USB-C кабел и го известил Amazon за своето откритие, компанијата одлучи да го исфрли сите нестандардни USB-C кабли и адаптери од својата продавница, а USB-IF дивизијата USB 3.0 Promoter Group креираше нов стандард кој ќе ги спречи произведувачите на пазарот да исфрлаат неисправни USB-C кабли.
Новиот USB Type-C Authentication standard ќе биде интегриран внатре во firmware USB-C уредот и USB полначот и ќе работи како предконекциски систем за автентификација.
Кога корисникот ќе го спои својот уредот со USB-C кабелот, неговиот уред (таблет, паметен телефон или лаптоп) ќе воспостави систем на автентификациска „предконекција“. Уредите меѓу себе ќе разменат информации за своите функции за полнење и видови на податоци кои се пренесуваат и воедно ќе проверат дали другиот уред е направен од страна на произведувачот кој IBF-IF го авторизирал.
Таа информација се испраќа со енкриптиран 128-битен енкрипциски клуч, и се појавува пред да започне размената на податоци или енергија меѓу двата уреда.
Ова функционира само на USB-C компатибилни уреди кои ќе потрајат некое време додека сите да се преселиме на така наречениот „универзален“ USB стандард.