Роботската индустрија многу брзо почна да се развива и не покажува никакви знаци на запирање. Овој пат, научниците од Кина создадоа робот со многу реален изглед наречен „божицата на роботите“ – Џиа Џиа, која ја изработувале цели три години.
Таа изгледа како девојка со многу реални изрази на лицето, како што е намигнувањето. Нејзината уста е дизајнирана да одговара со изјавите кои ги дава и нејзините очи ја скенираат околината исто како што го прави тоа човекот. Уште поневеројатно е што таа може да одговори на некои ситуации.
- Не ми се доближувај толку многу кога ме фотографираш, лицето ќе ми изгледа дебело, вели Џиа Џиа.
Џиа нема за брзо време да се продуцира во поголем број, Чен Кјиаопинг, предводникот на тимот кој го изработи роботот, тврди дека ќе треба да работат уште повеќе за да ја подобрат функционалноста на Џиа. Таа се уште не може да плаче и да се смее, но може да ги врти очите и да синхронизира човечки говор.