Италијански претприемач го претстави прототипот на Watly, 15-тонски термален компјутер кој може да биде клучен за решавање на главните предизвици во развојот на Африка (и останати неразвиени земји) – пристап до чистата вода, електрицитет и интернет конективност.
Watly е опремен со фотонапонски соларни панели кои произведуваат топлина и соларна енергија. Кога во неговиот резервоар се пумпа непрочистена вода, тој ја прочистува по пат на компресија на пареа и нејзина дестилација – процес со кој соларната термална енергија се користи за испарување на водата и изолирање на загадувачките материи од неа (од соли до разни отрови). Една Watly машина ќе може да прочисти до три милиони литра вода годишно, а животниот век би и бил до 15 години.
Напојувана од соларните панели, машината ќе може да собира и генерира доволно електрицитет за себе и за останати уреди кои би се вклучиле во неа, додека за интернет конективност таа би била споена со централна мрежа, овозможувајќи и да креира WiFi зона со домет од околу 500 метри. Корисниците ќе можат да бидат онлине и со користење на екраните кои се наоѓаат на секоја од страните на Watly.
Тимот кој стои зад овој проект има намера (преку продажба на локалните влади) да ги постави Watly машините во реони во Африка каде што населението нема пристап до чиста вода, како и во поразвиените рурални средини каде пристап на интернет имаат само околу 28% од населението
Последната верзија на Watly (3.0) веќе се произведува во Италија, и се очекува да биде готова до Јуни. Цената за производство на само една машина е $453 000, а сè уште не се знае која ќе и биде цената кога конечно ќе се појави на пазарот.