Во последните неколку години повеќе пати имавме можност да видиме проекти чија цел беше на пазарот да донесат hoverboard, односно летачка или лебдечка даска за превоз на луѓе, какви што можевме да гледаме во SF филмовите.
Најуверлив таков проект до сега имаше Catalin Alexandru Duru, кој на својата летачка мултикоптер даска на електричен погон постигна светски рекорд во ховербордингот со тоа што прелета 275,9м на височина од неколку метри над вода.
Проектот кој го развива францускиот џет-ски првак Френки Запата е уште поинтересен бидејќи неговата даска наместо електричен погон користи млазен, што делува како навистина да стоите на jetpack.
Инаку неговата компанија Zapata Racing произведува и продава опрема за flyboarding, односно летање при кое искачувањето се добива со млазови вода, но Flyboard Air не работи на тој принцип.
Запата неодамна објави видео во кое можете да го видите тестниот лет со неговиот Flyboard Air во траење од 3,55 минути при што постигнал најголема брзина од 55 км на час и со висина од некои 30 метри.
Тој за сега не сака да открие детали за моторот, погонот и системот на управување на својата лебдечка даска, но податоците кои ги изнесува се доволно импресивни, па вели дека Flyboard Air може да лета до висина од 3.000 метри и да постигне најголема брзина од 150 километри на час и да лета 10 минути.
Дали видеото е реално или филмско останува времето да покаже. Но во секој случај е одлична реклама за Zapata Racing бидејќи видеото е вирално и погледнато повеќе од 3 милиони пати на YouTube.