Компанијата Hyundai која е позната поради нивните автомобили, работат на изработка на роботски егзоскелет , т.е „одело“ кое компанија го споредува со она на суперхеројот на Marvel - Iron Man, во презентацијата на егзоскелетот на нивниот блог (иако визуелно повеќе потсеќа на егзоскелетот кој го носи Ripley во Aliens, или на оној кој го носи Том Круз во The Edge of Tomorrow).
Со помош на овој егзоскелет, би се зголемила работната способност и би се спречиле повредите на работниците чија задача е „рачно“ да транспортираат тежок товар, бидејќи со него, без никакви потешкотии, тие би можеле да носат товар со тежина до 100кг. „Оделото“ е способно и за брзо движење, па така може да го користат и војници, кои можат да го натоварат со дополнителни 50кг без воопшто да ја осетат таа тежина на долги дистанци. Исто така може да се користи и за помош на постари/изнемоштени луѓе, како и за оние со хендикеп.
Според Hyundai, нивната цел за ова метално одело е да се користи за транспортирање како дел од нивната “Next Mobility” програма која треба да доведе до „слободно движење на луѓето и нештата“, туркајќи ги човечките граници чекор по чекор нанапред.
Компанијата планира овој егзоскелет да се комерцијализира, но точниот датум за тоа не се знае.
Инаку, најверојатно се работи за „наследник“ на нивниот H-Lex (кратенка од Hyundai Life Caring ExoSkeleton) модел кој беше претставен лани, наменет за асистирање на луѓе со различни хендикепи.
Минатиот месец Hyundai најавија и партнерство со компанијата Cisco како дел од алијансата за создавање на „компјутер на тркала“, со што најверојатно ќе навлезат и на пазарот за автономни автомобили и технологија поврзана со нив.