Ако на својата рака носите некој подобар и поскап класичен рачен часовник, веројатно не ви паѓа на памет дека би можеле да го замените со паметен, без разлика на сите технолошки функции и можности кои ви ги нуди.
Тимот од канадската компанија Wearatec од Торонто, се досети како постоечкиот рачен часовник да го спои со хардверскиот додаток за „станување паметен“, па произведе гаџет под називот LINK.
Овој гаџет е дизајниран така да може да се спои на копчето на металното ремче на рачните часовници од 18 до 26 мм ширина, а во себе носи бројни паметни функции.
Меѓу паметните функции ќе добиете поврзување со паметен телефон преку кој ќе добивате нови известувања од апликацијата, а интересна е и можноста за користење на гаџетот како далечински за управување со други уреди како компјутер, таблет и паметен телефон.
Тука исто така се и фитнес сензорите и тракерите, а произведувачите не заборавиле да го вклучат и системот за безконтактно плаќање и NFC за да можете да извршувате сигурносни трансакции, отклучување на врата, уреди и други нешта.
Покрај тоа LINK е опремен и со дигитален микрофон па со него можете да управувате со својот дигитален асистент на телефонот или да го користите како диктафон.
LINK моментално се наоѓа во системот на crowdfunding на Indiegogo, каде би требало да собере 50.000 долари во следните денови. Доколку сте заинтересирани можете во кампањата да вложите 200 долари па ќе го добиете во декември 2016.