Голем број на продукти направени со користење на технологијата за 3D принтање (како човечки коски или делови за ракетни мотори) го имаат трансформирано и продолжуваат тоа да го прават светот на подобро. Потенцијалот е практично неограничен, и во многу скоро време нема да се прашуваме само „што сè може да се се испринта?“ туку и „на кој сè начин може да принтаме?“
Во скорашно соопштение за медиумите, научници од Wyss Institute for Biologically Inspired Engineering објавиле дека конструирале нов 3D принтер кој користи кондуктивно метално мастило со кое што можат да се создаваат комплексни архитектури и електронски уреди – и тоа со принтање „во воздух“. На тој начин, ќе можат да се создаваат модели кои би биле невозможни со традиционалните методи за 3D принтање.
Овој принтер има млазница/прскалка со облик на пенкало,која може да се позиционира по x,y, и z оските, која користи мастило составено од сребрени наночестички, врз кое што кога излегува од неа истовремено преку прецизно програмиран ласер му се врши процесот наречен „annealing”, поточно топлински третман кој ги подобрува физичките (и некогаш хемиските) карактеристики на материјалот со цел да се омекне и да му се зголеми еластичноста. Овој процес вклучува загревање на материјалот над неговата температура за рекристализација, и потоа негово ладење.
Сребрените жици кои биле испринтани покажувале одлична електрична спроводливост, што истражувачите сметаат дека може да доведе до речиси неограничени апликации – високо модифицирани електронски делови, биомедицински уреди, како и разни архитектонски решенија се само дел од продуктите кои може да се реализираат со овој 3D принтер.