Во текот на неодамнешната конференција за инвеститори, извршниот потпретседател на Electronic Arts Patrick Söderlund, објави дека неговото студио Frostbite Labs кое има меѓу 30 и 40 дивелопери моментално работи на „виртуелни луѓе“ и уверливи ликови кои ќе се најдат во идните VR игри и апликации.
За жал тој не одаде никакви детали за тие виртуелни луѓе, ниту па технологијата која ја користи Frostbite за нивната изработка, но скоро сме сигурни дека подготвуваат некакви посебни engine за рендерирање на ликови наменети на VR опкружување, кои ќе ни создадат уште поголем впечаток на реалности и ќе ни ги доближат ликовите од холодекот на Star Trek.
Можеме да очекуваме дека новите визуелни технолошки решенија во изработка на ликовите ќе бидат претставени на конференцијата која EA ќе ја одржи на претстојниот Е3 саем во Лос Анџелес идниот месец, па ќе дознаеме дали виртуелните луѓе навистина се такви какви што авторот ги претставува или тој претерува.
Скоро е извесно дека на Е3 саемот ЕА ќе претстави некои нови VR игри, а за сега не ни е познато дали виртуелните луѓе ќе се најдат во некоја VR верзија на претстојниот наслов Battlefield 1 кој излегува на 21 октомври оваа година, а работи на најновата верзија на Frostbite 3 engine.