После скоро 10 години инкогнито работење, Daniel Goldin, еден од поранешните директори на NASA, конечно на светот ја претстави неговата компанија KnuEdge.
KnuEdge e компанија за иновација на невралната технологија, која ќе прави хардвер и софтвер базиран на оваа технологија, со главен фокус на интеракцијата помеѓу човекот и машината. Иако последнава деценија компанијата работела далеку од очите на јавноста, веќе има фондови од над 100 милиони долари наменети за финансирање на изградба на неврални чипови.
KnuEdge ги претставиле двата примарни продукти: KnuVerse (технологија за автентификација на глас) и KnuPath , најсовремен неврален чип.
Инспирацијата за KnuPath доаѓа од начинот на кој што функционира мозокот од внатре, поточно чипот е направен на истите биолошки принципи кои мозокот ги користи за разните „пресметки“. Првиот модел од овој чип има 256 јадра, од кое секое може да пресметува различен алгоритам, за потоа тоа да го прави и симултано, бидејќи сите јадра се меѓусебно поврзани. Тој може да се поврзе со 512 000 уреди истовремено, со траење на одложената интеракција од само 400 наносекунди.
KnuVerse, пак, е развиен од воена технологија за препознавање и автентификација на глас, и се фокусира на биометриската страна. Способен е да елиминира позадински звукови, што дозволува користење и во екстремно гласни околини.