NASA има 10 годишен план за дизајнирање и изработување на X-Series – линија од еколошки авиони. За овој проект веќе се обезбедени 43.5 милиони долари до 2020-та година, а целта е да се направат големи хибридни летала кои ќе имаат потенцијал комерцијално да се продаваат во наредната декада.
Агенцијата веќе почнала да прави малечок, целосно електричен авион наречен X-57, кој треба да биде комплетиран во наредните 4 години. Ќе има по 6 електрични мотори на секое крило, ќе може да лета со брзина од 280км/ч, но ќе има домет од само 160 километри (со едно полнење).
Од NASA велат дека овој авион е дизајниран стриктно за тест демонстрации и дека за комерцијалните верзии на леталото технологијата и капацитетот на батериите ќе морат значително да се подобрат.
Кога X-57 ќе биде завршен, NASA ќе трансформираат стандарден авион во целосно електричен, со тргање на двата стандардни мотори и додавање на батерија (која тежи околу 360кг.), како и со заменување на крилјата со специјалните, потенки крилја од X-56. Новите крилја ќе имаат електрични мотори за да му дадат на авионот поголема моќ. Овој адаптиран авион се планира да го има својот прв тест лет во мај 2019-та.