Компанијата General Motors (GM) , најпозната по производството на автомобили, во партнерство со Шведската компанија Bioservo која изработува медицинска технологија креирале серво ракавица наменета за работници во фабрики, наречена RoboGlove.
Основата за RoboGlove доаѓа од претходното партнерство на GM со NASA, на проектот Robonaut (еден вид на хуманоиден робот), чија што технологија употребена за неговата сила и стисок (во секоја рака е способен да држи 18кг без никакви потешкотии) довеле до развој на оваа специјална ракавица.
RoboGlove користи врвни сензори, активатори и тетиви кои според функцијата можат да се споредат со нервите, мускулите и тетивите во човечката рака. Оваа технологија му овозможува на носителот на нараквицата да постигне многу поголема прецизност и умешност при работата, бидејќи RoboGlove ги прави движењата цврсти и прецизни и раката не се заморува при долготрајно работење со тешки објекти
Bioservo прво ќе работи на развивање на технологијата за асистенција при држење на предмети во индустриска работна средина, бидејќи истражувањата покажале дека мускулите во шаката се заморуваат после само неколку минути континуирано цврсто држење на тежок алат.