Англиски истражувачи успеале да направат подигнат објект да изгледа рамен кога е скениран со електромагнетски бранови – доближувајќи се за чекор поблиску до создавање на уред за затскривање на објекти, нешто како наметката за невидливост на Хари Потер :)
Иако, реално, резултатите од новите истражувања се сè уште далеку од холивудската верзија на таква наметка, сепак успешноста на експериментот ќе им помогне на истражувачите да развијат подобар оптички и микробранов систем за комерцијални и индустриски цели.
За да дојдат до овој резултат, тимот покрил подигната површина со „тазе“ развиен нанокомпозитен материјал, составен од повеќе слоеви од наночестички, секој од нив со различна електрични карактеристики. Всушност, материјалот им дозволува на електромагнетните бранови да го удрат објектот и да поминат низ него без да се распрскаат, со што ефективно го прават непостоечки за нив, т.е невидлив.
Претходните истражувања со сличен карактер функционирале единствено при една одредена фреквенција на електромагнетните бранови, но во најновото бил користен распон од фреквенции, што ваквиот уред би го направиле корисен во повеќе инженерски апликации, како нано-антени и во воздушната индустрија.