Сите сопственици на кучиња знаат колку некогаш може да е заморно и досадно константното фрлање на топче за да миленичето ви го врати.
Како би било некој друг тоа да го прави за вас, за да имате време да одморите и изгледате или прочитате нешто без да бидете константно прекинувани со влажно топче? Гаџетот од Pyle Audio наречен Doggy Fun е наменет токму за тоа – (бесконечно) автоматско фрлање на топчиња.
Doggy Fun исфрла меки тениски топчиња со дијаметар од околу 4cm, што го прави идеален за користење од било кои малечки и средни раси на кучиња – кај поголемите веќе постои опасност да се задават со толку мало топче. Покрај играњето, тие со овој гаџет и се тренираат бидејќи ќе биде потребно топчињата да ги вратат во неговиот “резервоар“, за да повторно бидат фрлени. Ваквиот механизам му овозможува на гаџетот континуирано да го забавува вашиот миленик без разлика дали сте дома или слободни да си играте со него, а има и три нагодувања за далечината на која што ги исфрла топките: 3, 6 или 9 метри.