Компанијата Dlodlo ги претстави нивните „буџетски“ очила за виртуелна реалност, наменети за обичните потрошувачи – во поглед на карактеристиките и цената.
Наречени V1, имаат облик на вистински очила и можат да се поврзат со било кој персонален компјутер, или со екстерниот интерфејс развиен специјално за нив, наречен D1. Ваквата солуција ја крши досегашната бариера со која што се соочува останатата опрема за виртуелна реалност од другите произведувачи, а тоа се високите хардверски побарувања кои треба да ги исполнуваат компјутерите на кои што се користат другите VR очила.
V1 се компактни и лесни за носење, за што е заслужна изработката од ултра-тенкиот и многу издржлив материјал од јаглеродни влакна, како и силиконски материјали кои не ја иритираат кожата. Самото стакло, пак, е со дебелина од 16mm и тежи 78 грама.
Dlodlo Glass V1 очилата нудат резолуција од 240х1200 пиксели и 800+ PPI, видно поле од 105° и освежување на сликата од 90Hz.
Dlodo има и сопствена платформа на која се наоѓаат 658 видеа, вклучувајќи 139 3D филмови и 519 VR панорамски клипови, како и 76 спортски, авантуристички или пукачки игри.
Сега засега сè уште не е позната цената.