Samsung и LG се најголемите компании во Кореа меѓу кои постојано има корпоративни „препукувања“, особено во поглед на тоа кој ќе претстави посовремен продукт. На пример, доколку LG најават 100-инчен 4K телевизор, скоро сигурно е дека Samsung ќе најави 101-инчен неколку недели подоцна. Поради ова, не треба да е никакво изненадување тоа што неколку месеци откога Samsung го претстави нивниот фрижидер со вграден таблет, да следи и најава од LG за нивна сопствена верзија на смарт фрижидер.
Додека оној на Samsung има 21.5 инчен дисплеј, LG Smart InstaView има 29 инчен полу-транспарентен touchscreen кој е конектиран со Intel Compute Stick преку USB и кој што му овозможува на дисплејот да се претвори во функционален Windows 10 таблет, заедно со Cortana.
Како и кај други door-in-door модели на LG фрижидери, дисплејот на Smart InstaView станува полу-проѕирен, овозможувајќи да се види внатре во фрижидерот без да се отвори. Додека е во овој мод, преку софтверот може да се додаваат разни пораки на екранот, да се идентификуваат региони од фрижидерот каде што се чува храна од одреден тип (на пр. безглутенска, млечни производи итн.)
Сега засега сè уште нема официјални коментари од LG во поглед на цената како и кога може да се очекува на пазарот, но имајќи ја в предвид цената од околу $4000 за фрижидерот на Samsung, многу веројатно е дека и овој на LG ќе чини слично на тоа.