Nanofarm на компанијата Replantable е иновативна нова машина со чија помош може да се растат свежи продукти за јадење во самата кујна.
Се работи за малечка домашна „фарма“ која се состои од кабинет, послужавник за вода, елемент во кој што се садат растенијата, како и светлосен елемент кој ја овозможува жетвата. Кабинетот има три контроли – бројот на недели потребни за продуктот да израсне, копче за старт и копче за жетва. Replantable Nanofarm му овозможува на секој, па макар и на оние кои немаат апсолутно никакво претходно искуство со растенија, да размножува прехрамбени продукти по дома, без потреба од дополнителен простор за градина или време за нејзина обработка.
Овој проект започнал како едноставен хидропоничен систем каде што корисниците требало мануелно да ги засадат семињата и додаваат ѓубриво, меѓутоа фидбекот од прототипите кои биле испраќани на првите муштерии не бил баш позитивен – тие се жалеле дека уредот барал премногу мануелна работа. По ова, мини-фармата била преправена да функционира само со едно вклучување, а сета останата работа ја завршува сама.
Nanofarm е направена од исклучително издржливи материјали – кутијата е од природно дрво и челик обложен со прав, вратата е од алуминиум отпорен на корозија кој се користи во изработката на морски пловила, а стаклото на вратата е направено така да ја задржува светлината внатре, наместо да ја испушта во просторијата. Покрај сето ова, вграден е и скоро бесшумен вентилациски систем кој им обезбедува јаглерод диоксид на растенијата, и од фармата го исфрла водухот збогатен со кислород во просторијата.
Цената се очекува да биде околу $350