Лондонската област Enfield ја „најмила“ вештачката интелигенција Amelia да ги превземе задачите за услужување на жителите.
Развиена од IPSoft, Amelia е когнитивен агент способен за автоматизирање на одредени задачи, кој исто така може и да учи од интеракциите со луѓето. Според зборовите на компанијата која е нејзин „родител“, она што ја прави Amelia компетентна е способноста за анализирање на јазици, разбирање на контекстот, користење на логика, учење, решавање на проблеми, па дури и за насетување на емоции. Нешто слично на Siri, но со докторат во психологија.
Amelia моментално работи со когнитивното корисничко искуство за компанијата Accenture, како и за Deloitte, фирма за финансиско консултирање.
Од IPSoft велат дека таа е перфектно решение за постојано променливите барања на јавните сервиси – таа ќе им асистира на луѓето при комплетирање на разни апликации и пронаоѓање информации, со што ќе се поедностават внатрешните процеси на советот на Enfield.