Кога сте алергични на глутен, дури и мало количество од оваа состојка во храната може да предизвика проблем. Токму затоа луѓето кои се глутен нетолерантни секогаш се трудат сами да си ги приготват оброците и два пати ќе препрашаат дали храната што некој друг им ја приготвил содржи глутен.
Сепак, како да се биде 100 проценти сигурен дека оброкот е навистина gluten free дури и кога сте во ресторан?
Nima мини сензорот е идеалното решение за оваа ситуација. Создаден од старт ап компанијата 6SensorLabs Nima го тестира присуството на глутен во храната и дава прецизни резултати за неколку минути.
Станува збор за триаголна направа во која ставете примерок од храната или течноста што планирате да ја консумирате. Потоа примерокот доаѓа во контакт со раствор што детектира глутен. За две до три минути, на дигиталниот дисплеј се појавува нотификација дали храната односно течноста содржи глутен.
Nima е мошне прецизна, па доколку примерокот не содржи глутен, тогаш можете да јадете без грижа.