Голем број од оние кои што се страствени тркачи користат разни фитнес тракери или смартфон апликации со кои што водат евиденција за бројот на потрошени калории, пулсот и сл.
OMbra е парче технологија која што може да се носи, наменета за женскиот пол – се работи за smart спортски градник кој нуди далеку повеќе опции од разните тракери и smart часовници.
OMbra е производ на компанијата OMsignal, и е прв smart спортски градник воопшто. Изгледа одлично и нуди неверојатна потпора, а неговите сензори (кои се беспрекорно вградени) податоците ги испраќаат во специјалната смартфон апликација наречена OMrun.
OMrun е револуционерна платформа наменета за тркачи чија цел е да им помогне да си ги подобрат тркачките перформанси. Покрај основните информации врзани со далечината, темпото, пулсот и потрошените калории, OMrun дава информации во врска со:
- Ритамот на дишењето. Што по ритмички се дише, толку помалку се напрега респираторниот систем, кој знае да потроши и до 15% од енергијата потребна за трчање доколку дишењето е неправилно
- Биометрискиот напор. Тоа е нивото на напор кое телото го користи за секое трчање, и се пресметува со помош на отчукувањата на срцето, стапката на дишење, и варијабилноста во отчукувањата на срцето. Биометрискиот напор дава приказ колку сте го довеле телото до неговата граница, и помага за избегнување на прекумерно тренирање.
- Биометриски тренер. Овој виртуелен тренер ги споредува биометрискиот напор со целниот напор, и помага правилно да се припремите пред трчањето. Биометрискиот тренер на OMsignal ќе ве води низ трката со сугестии во врска со ритамот на дишењето, темпото и сл.
Градникот ќе чини околу $70, а компанијата во својата понуда наскоро ќе има и машка маица за трчање, наречена OMshirt.