Возењето кога не сме наспани е исклучително небезбедно, но некогаш сме лимитирани со време за да стигнеме до посакуваната дестинација и спиењето мора да се запостави.
Ризикот е особено голем доколку немате уште некој во автомобилот кој што ќе ве зазборува и држи будни, бидејќи доволни се неколку секунди невнимание или падната концентрација за да се случи сериозна сообраќајна незгода.
Anti-Sleep Alarm е гаџет во облик на прстен чија намена е да го спречи заспивањето при возење – се активира до 5 минути пред да почнете да се јават „симптомите“ на заспивање, т.е пред да се затворат очите/падне главата.
Се напојува преку микро USB кабел, а батеријата би требало да држи до 15 часа со едно полнење. Методата која што овој аларм ја користи се вибрациите, а вибрира по 2-3 секунди на неколку наврати, за да го забележите. Функционира така што континуирано ги надгледува нивоата на свест и концентрација преку 8 сензори кои ја анализираат електро дермалната активност.
Големината му е универзална и треба да одговара на било кој тип на прсти, а направен е од материјал кој не може да предизвика алергии.
Иако првенствено е наменет за возачи, може да се користи и кога имате потреба од целовечерна активност (читање, учење), то ест за “allnighter”