Русија го претстави подобрувањето на нивниот арсенал од интерконтинентални балистички проектили (ICBM), а некои извештаи велат дека тие се толку моќни што би можеле да срамнат три четвртини од Њујорк кои нема да можат да се опорават од радијацијата неколку илјадници години. Исто така се смета дека би можеле да уништат регион со големина на Тексас.
RS-28 Sarmat кој има прекар Satan 2 (даден од NATO), ќе биде високо на листата на најсмртоносните оружја во светот. Проектилот е развиен од Makeyev Rocket Design бирото, а на него се работело уште од 2011 год.
Првенствено требало да се појави во 2020-та, а сега се очекува да биде функционален до 2018-та. Овој проектил со тежина од 100 тони би бил лансиран од силос и би можел да помине 10 000 километри пред да го испорача 10-тонскиот смртоносен товар. При тоа, би достигнал максимална брзина поголема од Мах 20 – некои 24 500км/ч.
Товарот може да се состои од 10 тешки боеви глави, или 16 полесни, како и со голем број на контрамерки за ракетна одбрана за да се спречи неговото соборување. Според рускиот магазин Sputnik, Satan 2 би можел да „спакува“ нуклеарна енергија доволна со еден удар да уништи територија голема колку Франција.