Повеќето гаџети кои се носат се статични и обично стојат под или врз облеката, на зглобовите и сл. Но, тоа наскоро ќе се смени.
На конференција во Токио, истражувачи од MIT и Stanford претставиле нови минијатурни роботи, наречени Rovables. Овие малечки роботи се способни да ползат во сите правци на обичната облека, што значи дека нема потреба за нивно користење да се носи маица од некој специјален материјал.
Тие се движат со помош на магнетни тркала од двете страни на ткаенината и користат сензори и вештачка интелигенција, што ги прави делумно автономни.
Истражувачите велат дека Rovables би користеле во разни ситуации – на пример, флота од роботи би можеле самите да се состават на раката за да креираат дисплеј за гледање на видео, или да го „потапкаат„ носителот по рамото секогаш кога ќе му пристигне нов имејл на телефонот. Роботите исто така би можеле да се групираат на ракавот или грбот и да формираат безбедносно светло кое ќе служи како сигнализација додека возите велосипед или трчате навечер.
За да функционираат правилно и автономно, тие треба да знаат самите се движат во 3D простор, за што е потребно да се создаде микро-контрола со доволно процесирачка моќ за да може да ги издржи комплексните алгоритми потребни за такво ниво на планирање на патеката.
Rovables имаат вградени батерии кои, во моментов, траат во просек 45 минути пред да треба (безжично) да се наполнат. Но, истражувачите велат дека доколку малите „роверчиња„ не се движат постојано, батеријата би можела да трае со часови.