Истражувачи од Институтот за истражување на електроника и применета физика од Универзитетот ве Мериленд дизајнирале „smart” прозорци кои можат да складираат соларна енергија, како и со помош на прекинувач да се нагодат да пропуштаат сончева светлина, или да ја блокираат. Ваквиот соларен прозорец не само што ја користи соларната енергија самиот да се напојува, туку со неа може да напојува и други уреди.
Технологијата користи полимер матрица измешана со микрокапки од течни кристали и аморфен силиконски слој како оние во соларните ќелии. Овие материјали потоа се ставени „во сендвич“ помеѓу два стаклени панели.
Кога прозорецот е „исклучен“, течните кристали ја пропуштаат светлината правејќи го прозорецот проѕирен, додека силиконот ја апсорбира соларната енергија.
Дури и кога е вклучен, прозорецот останува полутранспарентен кога е гледан од одреден агол – што значи дека дел од светлината се апсорбира и тој делумно се полни, максимизирајќи ја неговата апсорпција на енергија и ефикасност.
Можноста тој да се вклучува и исклучува му дава на корисникот контрола не само за менаџирање на температурата, туку и на приватноста – за разлика од постоечките smart соларни прозорци кои автоматски решаваат кога да ја блокираат светлината.
Новите прозорци побаруваат многу малку енергија за само-напојување – 13 нанометри од аморфен силикон.