Adidas на конференција во Њујорк претставиле сосема нов вид на патика наменета за трчање која е лесна, издржлива, и најважно од сè, биоразградлива.
Наречена The Adidas Futurecraft Biofabric, оваа патика е направена од синтетичка свила наречена Biosteel, произведена од германската компанија AMSilk. Овој материјал го прави горниот дел од патиката за 15% полесен, не содржи алергени и е вегански.
Biosteel материјалот е создаден со ферментирање на генетски модифицирана бактерија која ги содржи истите протеини кои пајаците ги користат да ја создадат нивната супер-јака свила од која ја прават пајажината, што креира прашок од кој се прави предиво од кое се плете патиката.
Според тврдењата на Adidas, патиката е доволно цврста да издржи 2 години употреба, а штом се „излиже„ од користење ќе може едноставно да се разгради, на пример, во мијалник.
За тоа ќе биде потребно да се стави во вода во која што ќе се додаде високо концентриран ензим протеиназа, што целосно ќе ја разгради протеинската патика за 36 часа. Овој процес е целосно природен, а патиката инаку нема да се разгради на дожд, без присуство на ензимот кој ќе ви биде испратен од Adidas.