Денес нема лимит во што сè може да ви претставува хоби – ако сакате, можете да собирате поштенски марки, да создавате хидропонични градини во сопствениот дом, или да поминувате часови креирајќи го вашиот перфектен коктел, а покрај тоа постојат и голем број гаџети кои можат да подобрат или забрзаат одреден аспект од вашето хоби, а на вас е дали и колку сте спремни да инвестирате во нив.
Ако спремањето добра пијачка (или мезе) ви е хоби, тогаш Crafthouse од компанијата Fortessa би бил идеален гаџет за вас – се работи за комора од стакло и нерѓосувачки челик, во која го ставате пијалакот и потоа со помош на специјален „пиштол“ во неа испуштате чад од вистински парчиња дрво, со цел да се „надгради“ вкусот на пијалакот со овие испарувања. Со него доаѓаат и две помалечки тегли со парченцата дрво за „димење“.
Со оглед на цената од $200, очигледно е наменет за оние кои можат да си дозволат таков луксуз само за подобрување на пијачката и не само тоа – разни сирења и помали парчиња храна можат да се „димат„ во него за да им се додаде онаа специфична „дрвенкаста„ арома.