Слушање на музика додека пробувате да заспиете е одличен начин да си го релаксирате телото и умот. Единствениот проблем е што тоа може да ви се случи, на пример, додека сте во јавен транспорт, па да ја испуштите вашата станица, со што би изгубиле па и до неколку часа од денот, во зависност колку време сте спиеле.
За да такво нешто не се случи, идеален гаџет се овие вибрирачки аларм слушалки, кои функционираат како обични слушалки на кои можете да слушате музика или подкасти, со таа разлика што имаат тајмер со чија помош по одредени поминати часови или минути, вибрираат во вашите уши, и ве будат.
Постојат неколку нагодувања за вибрирање, па така секој ќе може да си го намести интензитетот кој што би го разбудил.
Слушалките покрај тајмерот, имаат и аларм мод па може да се наместат да вибрираат во одреден час/минута, дали да ве разбудат дали да ве потсетат на некоја обврска која ја имате тогаш.
Димензиите на уредот се 106 x 30 x 20mm, на него има монохроматски LCD дисплеј, а за напојување користи 4 AAA батерии, и може да се вклучи на вашиот смартфон, таблет, или музички плејер.