Вклучување на машината за перење алишта не бара некој посебен напор, но затоа нивното диплење е процес во кој што ретко кој од нас ужива. Но и за тоа има лек – во облик на уредот за автоматско диплење на алишта, наречен FoldiMate, кој на пазарот треба да се појави во 2017
Функционирањето не може да е поедноставно – ги редите облеките на кои им треба диплење, притискате едно копче и FoldiMate не само што ги дипли, туку и со помош на водена пареа ги „запеглува“, т.е ги исправа доколку се збрчкани, ги омекнува и ги парфимира. FoldiMate може да се користи само со панталони, маици, кошули и пешкири до одредена големина. За жал, не ја пере и суши облеката така да сè уште ќе зависите од други машини за тоа.
Од една страна, со FoldiMate диплењето на облеките ќе оди неколку кратно побрзо отколку тоа да го правите рачно, лесно ќе можат да го користат дури и деца, но од друга страна пак потребен е дополнителен простор за него, резервни капсули со парфем и омекнувач, а и цената нема да му е баш ниска кога ќе се појави на пазарот – околу $750 до $850.
