Инженери од Државниот универзитет во Мичиген развиле уред кој овозможува полнење на електронскки уреди само преку допир, без никаква батерија.
Уредот наречен биокомпактибилен фероелектричен наногенератор (FENG) користи лист од силикон составен од неколку слоеви од различни супстанци како сребро, полимид и полипропилен фероелектрет - сите се еколошки материјали. Овие слоеви се исполнети со јони, што како краен резултат дава ефтин и ефикасен генератор кој се напојува со механичка енергија, како движење или притисок.
Најимпресивниот дел е тоа што уредот станува помоќен кога е превиткан – колку е помалечок, толку поголема енергија генерира, т.е со секое превиткување се зголемува волтажата која ја произведува. На овој начин, со превиткување на уредот тој би можел да се смести, на пример, во петицата од кондурата со што би произведувал енергија секој пат кога таа ќе го допре тлото.
Сето ова значи дека усовршувањето на оваа технологија може да доведе до производство на смартфони кои нема да имаат потреба да се полнат и по една недела, бидејќи ќе се напојуваат од енергијата добиена од движењата со прстите врз екранот, како и на обувки со чија помош би ги напојувале електронските уреди кои се постојано со нас (смартфони, таблети, смарт часовници и сл.)
