Понекогаш најдобрите идеи се токму оние кои се толку едноставни и очигледни, да секој од нас си помислува како на никого дотогаш не му текнало истото.
Првата бесконтактна пумпа за точење пиво на Barclaycard е токму еден таков производ.
Оваа пумпа е дизајнирана да ги намали редиците во баровите, со тоа што на секого ќе му нуди самопослужување – сè што ќе треба да се направи е на апаратот да се скенира било која бесконтактна дебитна или кредитна картичка и откога трансакцијата ќе се изврши, да се постави чашка под неа.
Сензорите во бурето ќе регистрираат колку алкохол е потрошен и штом чашката/криглата се наполни, пумпата самата се затвора. Целиот процес не трае повеќе од 1 минута.
Пумпата била дизајнирана по анкета чии резултати биле дека просечното чекање на пијачка во баровите е 12 минути. Сега засега се тестира во неколку барови и кафулиња во Лондон, а постои шанса да се стави на располагање и на неколку фестивали, и да нуди точење и на други пијалоци освен пиво.
Прототипот кој моментално се тестира може да точи само една чашка со едно купување, но истата картичка може да се користи неколку пати во тек на вечерта – со тоа што треба да се земе в предвид дека некои банки го лимитираат бројот на бесконтактни трансакции во тек на денот.