Во студените зимски денови, вообичаена, па и единствена „алатка“ за загревање на рацете ни е голема шолја со топло кафе или чај. Но ако не претпочитате вакви пијалаци, а рацете ви се „смрзнати“, тогаш ValueRays компјутерското глувче е идеален гаџет за вас.
Се работи за USB глувче со резолуција од 800DPI кое овозможува инфрацрвена топлина за рацете. На кабелот има прекинувач со кој се вклучува или исклучува, како и со кој што се нагодува степенот на загревање. Максималната температура која ја достигнува е до 40°C, што е сосема доволна за комфорно работење.
Доаѓа во црна или сребрена боја, а чини околу $20. За жал, со него не доаѓа додаток за греење и на другата рака, што е мал превид од производителот.