Кафето, чајот или какаото обично сите ги пијат топли, и тогаш се и највкусни. Ако сте љубител на овие пијалаци а често сте на нога па сакате пијалакот да го земете со вас, тогаш најумно е да го транспортирате во термос. Но термосот само ги одржува на одредена температура која постепено се лади – но не ги загрева.
Решение за овој проблем е Yecup – термос од нерѓосувачки челик во кој е спакувана електроника која пијалакот го одржува на постојана температура, но по потреба може да го стопли или олади.
Термосот се контролира преку апликација на смартфон, но и има и копчиња со одредени нагодувања кои можат да се користат доколку тој не е со вас или му е потрошена батеријата.
Во вториот случај, ако ви е при рака кабелот за полнење, термосот може да се користи и за полнење на смартфонот/таблетот, бидејќи во себе содржи батерија од 10 000 mAh. Разното осветлување на логото е индикатор дали Yecup загрева, лади, или полни, а поклопецот има заштита од случајно отворање така што термосот слободно може да го сместите во торба или ранец без страв дека пијалакот ќе се истури.
Yecup доаѓа со NFC подлога за безжично полнење (која се докупува), и е на располагање во верзии од 350ml и 400ml.
Инаку, доколку сте во движење, на пример, низ канцеларии, а термосот ви е на работното биро и сакате кога ќе се вратите да ве чека топол (или студен) пијалак, доволно ќе биде само да сте на најмногу 60м далечина од него за да апликацијата функционира.