Кога надвор е исклучително ладно, пожелно е да се носат што повеќе слоеви облека – што знае да биде проблематично кога треба да најдете простор каде да ја сместите кога сте на работното место, или на некое случување каде што за тоа баш и нема големи шанси (отворање на изложба, кино претстава и сл.)
Додека носење на дебела јакна во тандем со неколку пара чорапи и маица со џемпер воглавном доволно ќе ве загрее, понекогаш и тоа не е доволно. Наместо дополнителни парчиња облека, доволен би бил шалот од компанијата FNDN од Детроит, кој во себе има вградено грејач – направен е од полиестерско микро-руно, а во себе има елемент кој загрева и кој има димензии од 81 x 21 сантиметри.
Загревањето е околу вратот и има 3 подесувања – ниско, средно и високо, што би требало да ве држи пристојно загреани при секаков надворешен студ. Топлината константно може да се одржува до 4.5 часа, што би требало да е повеќе од доволно време изложување на ниски температури во текот на еден ден. Во шалот има вграденo литиум-јонска батерија од 7V која може да се полни, како и врвка со која се стега за да не падне.
Чини $130 и го има само во црна боја, а се одржува така што се чисти рачно – значи не во машина за перење или на хемиско.