Компанијата Five Elements Robotics е свесна колку родителите кои и двајцата работат може да се зафатени во текот на денот и колку им е потребен секаков вид на помош која можат да ја добијат, особено поради фактот што не секоја фамилија има живи или способни баба и/или дедо кои можат да помогнат со детето или децата.
5е NannyBot (nanny = дадилка) е робот наменет за помош на ваквите фамилии, бидејќи на некој начин се грижи за децата кога нема никој дома.
Toa е најновата иновација креирана од Five Elements Robotics, која доаѓа со интегрирана камера која на родителите во секое време ќе им овозможи да „фрлат око“ на нивните деца. Роботот исто така може да ги следи движењата на децата и да проектира видео и аудио назад до смартфонот или компјутерот на родителите, овозможувајќи далечински да го управуваат.
5e NannyBot како додаток има и корпа во која децата можат да ги ставаат нивните играчки за да се постојано со нив како што се движат низ домот, што би требало да им го задржи вниманието додека родителите не се дома. Роботот може да се користи и на отворено, доколку теренот, а особено временските услови тоа го дозволуваат.
NannyBot ќе доаѓа со неколку вградени пораки на разни светски јазици кои ќе му овозможуваат да „зборува“ со децата, а сега засега сè уште не се знае неговата цена, како и кога ќе биде достапен на комерцијалниот пазар.