Changhong H2 е несекојдневен смартфон произведен благодарејќи на новото партнерство помеѓу произведувачот на електроника Changhong и израелската стартап компанија Consumer Physics. Тој има 8 јадра, голем екран од 6 инча, и нешто што не се среќава кај другите смартфони сега засега - вграден молекуларен спектрометар.
Спектрометарот функционира на тој начин што испраќа пулс од скоро-инфрацрвена светлина која предизвикува материјалите во објектите да вибрираат. Кога пулсот светлина ќе се врати во него, се прикажува точната композиција на материјалот. Компанијата Consumer Physics веќе има направено уред кој функционира на овој начин (наречен Scio), кој на пазарот треба да се појави некаде во 2017-та и ќе чини $250.
H2 воглавном е идентичен таков уред, но вграден во смартфон.
Постојат неколку разни начини за користење на овој тип на технологија – спортистите би можеле да се скенираат самите себе за да го одредат точниот процент на маснотии во телото, додека загрижените купувачи би можеле да ги скенираат храната и пијалаците кои ги купуваат, за да ја видат нивната точна хранлива содржина и сите состојки во нив. Уште еден корисен начин би бил скенирање на разни објекти за потврдување на нивната автентичност или старост – што ќе го спречува купувањето на разни фалсификати /копии.
Од Changhong велат дека ќе се обврзат да развијат серија од апликации за H2, и дека ќе асистираат и на други девелопери за истото.