Оние кои поголемиот дел од денот го поминуваат гледајќи во мониторот од компјутерот, многу добро го знаат непријатното чувство кое се јавува кога ќе се преморат очите. Тогаш тие се суви, чешаат, „тежат“, а за создавањето на подочници и да не зборуваме.
Покрај стандардните помагала за релаксирање на очите од типот на креми, студени и топли облоги и сл., сега тука е и Aurai масажерот за очи кој користи хидротерапија со опција за изладување и за затоплување, со цел да обезбеди што поголем комфор за очите.
Студената компресирачка терапија (17°C) помага при отекувањето на очите и елиминирањето на подочниците, додека топлата (40°C) ги стимулира жлездите кои лачат масло и помага за релаксација на очите.
Благодарејќи на контракциите предизвикани од студот и на ширењето на крвните садови од топлината, ќе се подобрува циркулацијата на крвта околу очите, што како резултат ќе ве прави да се чувствувате „освежено“.
Aurai функционира со помош циркулирање на вода во комбинација со вибрации, наместо само со вибрации, па така нема да завршите со мигрена предизвикана од вибрирање на маската врз вашите синуси. Инаку, маската би требало да одговара за било која големина на лице, бидејќи има прилагодливо каивче со кое се зацврстува на главата.
