Инженеринг компанијата Arconic сака светот од футуристичките серии и филмови да го претвори во реалност, за што развила футуристичка кампања наречена „Џетсонови“ (The Jetsons), според истоимената класична цртана серија.
Еден од најголемите достигнувања од оваа кампања е нивниот концепт за облакодер составен од 3D принтани елементи, кој ќе служи за прочистување на воздух и ќе биде висок 5km. Некои од материјалите и технологиите кои би биле потребни за да тој се комплетира се веќе на пазарот, додека некои сè уште се развиваат. Една од тие иновации е Bloomframe, прозорец кој што се конвертира во стаклен балкон за помалку од една минута.
Највозбудливиот аспект на овој облакодер е специјализираниот слој кој не само што ќе го одржува чист, туку и ќе служи за прочистување на околниот воздух.
Овој слој ќе функционира преку интеракција со светлината и водените испарувања за да формира молекули познати како слободни радикали. Овие молекули ги оксидираат органските загадувачи во воздухот, кои потоа би се залепиле на површината од зградата и би биле исчистени од дождовите, заедно со сето она што би ја покривало, како нечистотија и сл. Компанијата вели дека 929 m2 од овaa EcoClean површина има моќност за чистење на воздухот еднаква на онаа од 80 дрвја.
Arconic не е единствената компанија која размислува за вакви футуристички концепти – други компании веќе имаат развиено концепти за згради во кои хидрофонично би растеле разни култури со кои би можел да се прехрани цел еден град, како и згради со прозорци кои би произведувале соларна енергија кои би служеле како масивни вертикални соларни фарми.