Доколку работните обврски од вас често побаруваат да мерите и премерувате работи, знаете колку е важно тоа секогаш да биде прецизно, и мерките да се запишуваат и организираат правилно за секој објект, локација и сл.
Покрај тоа, за разни работи потребни се разни видови на мерни инструменти – за некои работа ќе заврши обично метро на извлекување, за некои е потребно флексибилно метро кое може да се превиткува и обмотува, и сл.
Наместо носење на неколку разни метроа и алатки истовремено (што не само што не е практично туку и завзема простор во кутијата со алат), доволно ќе биде да го имате гаџетот наречен багел, бидејќи формата му е слична на истоимениот американски ѓеврек.
Се работи за „умна“ трака за мерење која не само што може да премерува, туку и да ги организира и анализира мерките на корисен начин.
Постојат неколку начини на кој багелот може да се користи: со влечење на струна, со тркалцето на долната страна, т.е со влечење на самиот гаџет по површината која треба да се измери, а може и далечински да зема мерки со помош на вградениот ласер – на пример, може да го вперите кон плафон или ѕид, и да ви ги даде мерките од позицијата каде што стоите, до плафонот/ѕидот.
Откога ќе завршите со мерењето, потребно е да се стисне копче а потоа и гласовна порака со која што ќе го опишете објектот чии мерки се земени, и тие податоци преку Bluetooth веднаш ќе бидат испратени на смартфон апликацијата. Уредот може да сними до 100 мерки, и да функционира 8 часа со едно полнење.