За оние кои никогаш ја немаат играно ултра-популарната Guitar Hero, тоа е видео игра која функционира преку стискање на копчиња во боја на контролер во облик на гитара, така што нивното стискање треба да се синхронизира со „нотите“ обоени во иста боја кои се движат на екранот.
Варијација на оваа идеја е уредот наречен Fret Zeppelin, кој претставува LED додаток за гитара кој се поставува над праговите и кој покажува точно каде да се постават прстите за да се свири одредена песна.
Тој исто така безжично се синхронизира со апликацијата за смартфон која овозможува прилагодување и поедноставување на „лекциите“.
Според компанијата која го има произведено, Fret Zeppelin е дизајниран да им помогне на гитаристите од секој вид – без разлика дали се работи за почетник кој ги учи основните акорди, за некој кој што зака да вежба импровизирање или промени на октави, или за напредни гитаристи кои креираат нови песни.
Моментално за Fret Zeppelin во тек е Kickstarter кампања каде што уредот може да се купи за $199, а првите испораки се очекуваат во октомври 2017-та.