Гадењето предизвикано од движење при патување е состојба која многумина ги спречува да уживаат во патувањето, бидејќи за да го „преживеат“ потребни се лекови кои делуваат како седативи, па така поголемиот дел од патот го преспиваат.
Гаџетот наречен Motion Sickness Relief Band е уред во форма на часовник кој наводно ги стимулира нервите на внатрешната страна на зглобот на кој што се носи, со цел да обезбеди олеснување на лошењето предизвикано при патување со брод, авион или некое возило.
Тој го користи третманот кој според некои медицински журнали е ефикасен, а тоа е пренесување на нежни електростатични пулсеви на акупресурната точка П6 на зглобот, што наводно ги прекинува нервните сигнали помеѓу мозокот и стомакот, кои предизвикуваат лошење и гадење.
За користење на уредот не е потребно да сте гладни или жедни. Истиот брзо ги олеснува симптомите на лошење без поспаност и малаксаност како несакани ефекти кои ги имаат класичните лекови за оваа намена.
Motion Sickness Relief Band има 5 подесувања на интензитетот на пулсевите, индикатор за слаба батерија, како и најлонско каивче кое се прилагодува на големината на зглобот. Гаџетот исто така би требало да функционира и во олеснување на гадењето предизвикано од бременост, операција, или други медицински состојби.