Експлозиите и пукотниците наскоро ќе бидат дел од минатото – војската ги фокусира своите напори на развивање на ново оружје кое ќе функционира со електромагнетни проводници, т.е електормагнетен шински топ.
Тим од руски научници успешно го тестирале нивниот прв прототип на ваков вид на топ, за кој што велат дека може да испукува проектили со брзина од 3 километри во секунда – доволно брзо за да таа пробие било каков заштитен материјал кој постои денес. Топот е револуционерен во поглед на ова забрзување, бидејќи тоа е половина од брзината која ракетите за потисок вградени на вселенските ракети мораат да ја постигнат за да ракетата ја поништи Земјината гравитација.
Иако технологијата има огромен потенцијал да стане наредната генерација на воена артилерија, Русија смета дека има и друга корист од неа, тука вклучувајќи ја и можноста топот да се користи за испраќање на пакети со товар до ISS (Интернационалната вселенска станица).
Покрај Русија, и САД работат на своја верзија на ваков вид на топ, но во своите тестови тие користат значително поголеми проектили. На пример, нивните наредни тестови ќе вклучуваат обид за лансирање на проектил од 20kg со хиперсонични брзини. За споредба, рускиот проектил испукан од топов е стотици пати помал (тежи 15gr), а достигнува брзина од 11 000км/ч и можел да пробие штит од дебела алуминиумска плоча.