Научници од школата за медицина при универзитетот Стенфорд развиле нова метод за производство на „лабораторија на чип“, која чини само еден цент по чип и потребни се 20 минути за да се изработи.
Тимот истражувачи сакал да креира едноставен метод за дијагностицирање за да го демократизира пристапот до технологијата за посиромашните земји, каде што луѓето не можат да си дозволат врвна модерна технологија како онаа која ја користи развиениот свет.
Новиот метод се состои од два дела – првиот е проѕирна силиконска микрофлуидна комора во која се чуваат клетките на пациентите, како и електронска лента за повеќе користења, додека вториот е инкџет принтер со комерцијално расположиво кондуктивно мастило со наночестички, задолжен за принтање на електронската лента на флексибилен полиестерски лист.
Со уредот можат да се користат примероци со мал волумен, и е способен да изолира ретки клетки и да ги пребројува, базирани на нивниот тип (според електричните карактеристики на секоја клетка).
Со аплицирање на електрицитет на лентата принтана со инкџетот, различни клетки се влечат во различни насоки во зависност од нивната поларизираност – овој метод овозможува нивно анализирање без секоја клетка да се етикетира, што инаку е скап процес кој користи флуоресцентни или магнетни етикети за следење на клетките.
Како пример, друг начин да се соберат и пребројат клетки е користење на проточна цитометар машина која чини $100 000 и тоа без оперативните трошоци.