Компјутерите без сомнение го имаат револуционизирано модерното општество и се наоѓаат буквално секаде. Во нашите канцеларии, домови, џебови, па и во кујнските апарати. Сега, истражувачи од Универзитетот во Манчестер работат на претворање на нишките ДНК во следната основа за идните компјутери.
Научниците имаат креирано компјутерски уред базиран на ДНК кој „расте како што работи/пресметува“ и додека сегашните компјутери имаат ограничен капацитет за пресметки, ДНК компјутерите ќе бидат дизајнирани да се само-реплицираат, притоа создавајќи простор колку што им е потребен.
Денешните компјутери можат да имаат по неколку терабајти капацитет, но ДНК компјутерите можат да работат со 100 милијарди терабајти, а сите тие податоци да се сместени на само еден грам ДНК.
Иако постојат пионерски компании и индивидуалци кои работат на усовршување на овој систем за изработка на компјутери, во моментов кодирањето на само 1 мегабајт информации во ДНК чини $12 500 – што значи кодирањето информации од илјадници мегабајти би било незамисливо скапо.
Токму цената е најголемата пречка за изработката на овие системи – ДНК-то не само што е најсигурен извор за складирање на информации, туку е и најдобар медиум за нивно копирање. Охрабрувачки е тоа што како технологијата се развива, така паѓаат и цените – на пример, секвенцирање на геном во почетокот чинело 2.7 милијарди долари, за да сега таа цена изнесува $280, па така експертите се надеваат дека ќе бидат сведоци на сличен тренд и во енкодирањето на информации во ДНК.